Ngjarja në Shkodër, Hajdarmata: Policia të jetë transparente, nuk mund të mjaftohet me një njoftim

<p>Në studion e emisionit “Të Paekspozuarit”, Arben Hajdarmataj, ish-drejtues policie, tha se ngjarje si ajo e Shkodrës tregojnë se policia shpesh mbyll një sy përballë aktivitetit të bandave kriminale.</p> <blockquote> <p><em>Shkodra si qytet dhe si qark ka kriminalitet të rritur. Sidomos për shkak të grupeve që kanë rivalitet mes tyre. Organizimi i tyre përfshin shumë persona, shumë lidhje farefisnore. Politika që kërkon ndihmë nga grupe të tilla e bën të lehtë aktivitetin e tyre. Bajrajt kanë zonat e influencës ku vinin gjoba, por doli që policia nuk e dinte. Në fakt, policia e dinte po bënte sikur nuk e dinte. </em></p> </blockquote> <p>Hajdarmataj kritikoi edhe policinë për mungesë transparence.</p> <blockquote> <p><em>Autoritetet kanë në dorë të rrisin besimin te njerëzit. Duhet të jenë transparentë me publikun. Për rastin e Shkodrës, deklarata ishte e vakët. I gjithë cikli mbyllet aty. Nuk vazhdohet të nesërmen të jepen detaje që nuk cenojnë hetimin. Nuk u tha çfarë u gjet aty deh çfarë po bëhet për të zbuluar ngjarjen. </em></p> </blockquote> <p>&nbsp;</p>