Biznesmeni Behgjet Pacolli është paraqitur paraditen e sotme në Prokurorinë e Tiranës, në kuadër të çështjes nën hetim për aeroportin e Vlorës.
Kohëve të fundit Pacolli ka pasur konflikte me ortakët koncensionarë për ndërtimin e aeroportit.
Mësohet se Pacolli është edhe kallëzues por edhe i kallëzuar nga Valon Ademi.
Gazetari Besmir Pula raportoi për MCN Live, se rreth orës 10.30 në Prokurorinë e Tiranës biznesmeni Pacolli u paraqit i vetëm.
Pacolli u thirr nga Prokuroria lidhur me aeroportin e Vlorës, por është ende herët të themi në cilësinë e do japë deklarime.
Bëhet fjalë për paraqitjen e tij lidhur me aeroportin e Vlorës, pas përplasjes mes biznesmenit Behgjet Pacilli dhe aksionerit tjetër, Valon Ademi.
Krahas thirrjes së tij në Prokurorinë e Tiranës, edhe SPAK ka nisur hetime për kontratën koncensionare që financon aeroportin.
Valon Ademi përfaqësues i kompanisë "2A Group", fillimisht ka pasur 2% të aksioneve në Aeroportin e Vlorës.
Ndërkohë pas tërheqjes së turqve, Yda , të cilët i shitën 47% të aksioneve të tyre për 4200 euro, Ademi ka pretenduar se mes tij dhe Pacollit u firmos një kontratë që t’i kalonin atij 47% të aksioneve. Kjo ka krijuar edhe konfliktin mes dy biznesmenëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
