Presidenti i Maqedonisë Gjorge Ivanov nuk e ka dekretuar ligjin për gjuhët ku përfshihet edhe gjuha shqipe. Ky vendim i presidentit maqedonas është argumentuar duke pohuar se është në kundërshtim me Kushtetutën.
“Ky është një ligj i padrejtë që favorizon gjuhën shqipe. Prandaj, për shkak të paligjshmërisë së këtij ligji, vendosa të mos nënshkruaj dekretin mbi Ligjin për përdorimin e gjuhës shqipe. E informova Kuvendin se nuk do ta nënshkruaj këtë ligj dhe do të paraqes vërejtjet e mija. I bëj thirrje ligjvënësve t’i shqyrtojnë këto vërejtje”, ka deklaruar Ivanov në një konferencë për mediat, AlsatM.
Sipas presidentit ligji rrezikon karakterin unitar të shtetit , sovranitetin dhe integriten territorial të Maqedonisë. Ligji tha Ivanov u votua pa debat publik, pa përfshirjen e ekspertëve akademik dhe pa opozitën.
"Më 11 janar të vitit 2018 Kuvendi i Maqedonisë e votoi ligjin për përdorim të gjuhëve pa debat publik, pa përfshirjen e ekspertëve akademik dhe pa opozitën. Në fjalimin e fundvitit theksova se ky ligj është sjell me flamuri Evropian. Me miratimin e këtij ligji është keqpërdorur flamuri Evropian i cili i ndryshon sistemet ligjore", tha Ivanov.
Ligji u miratua pak ditë më parë në parlamentin maqedonas dhe u cilësua si arritje e madhe për shqiptarët e Maqedonisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
