Policia e Tiranës ka arrestuar gruan, e cila një ditë më parë aksidentoi me makinë në trotuar një nënë bashkë me fëmijën e saj 6-vjeçar.
Burime policore bëjnë me dije se në pranga është vënë shtetësia me iniciale A. P., 55 vjeçe, pasi ditën e djeshme ka aksidentuar fëmijën e mitur me iniciale R. D., 6 vjeç, i cili ndodhet në spital, nën kujdesin e mjekëve.
Mjeti që drejtohej nga gruaja 55-vjeçare, duket se ka humbur kontrollin dhe ka hipur në trotuar duke marrë përpara nënë e bir.
Kalimtarët dhe të pranishmit e tjerë që po prisnin të kalonin rrugën kanë nxituar të ndihmojnë nënën me të voglin.
Sipas policisë, 6-vjeçari u dërgua në spital për mjekim por nuk dihet gjendja e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
