Deputeti Eduart Ndocaj, i është bashkuar protestës së opozitës në çadrën para Kryeministrisë. I pagëzuar nga mediat si deputeti-kauboj, Ndocaj është fotografuar nga mediat teksa ndiqte me vëmendje fjalimin e kreut të PD-së, Lulzim Basha, paraditen e sotme.
Ndocaj është kryetar i Partisë Bashkimi Demokristian Shqiptar. Ai hyri në Parlament nga listat e PS-së në tetor 2015, pas largimit të socialistit Arben Ndoka.
Tashmë Ndocaj është në krahun e opozitës, të cilës iu bashkua për herë të parë disa ditë më parë, kur PD zhvilloi disa protesta në Tiranë dhe në disa rreth-rrotullimeve kryesore të akseve rrugore në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
