Vrasja e çiftit Pasho në Itali, gjykata italiane: Elona Kalesha ka rrezik shoqëror, s’mund të lirohet

Gjykata e Firences ka vendosur që Elona Kalesha, e arrestuar për vrasjen e çiftit Pasho në Itali, duhet të qëndrojë në burg. Vendimi është dhënë ditën e sotme, ndërsa mediat italiane shkruajnë se gjykata e arsyeton këtë vendim me faktin se lirimi i 36-vjeçares përbën “rrezik shoqëror”, dhe ekziston mundësia që ajo të përsërisë krimet.

Gjykatësit e Firences, refuzuan kërkesën e avokatëve të saj për t’u gjykuar në liri. Rrezikshmëria shoqërore e gruas, për gjyqtarët “është dukshme nga të dhënat penale që rezultojnë kundër saj”. Në çdo rast të favorshëm-nënvizojnë gjyqtarët–Kalesha mashtroi në deklaratat e saj në lidhje me hetimet mbi zhdukjen e dy bashkëshortëve, prindër të ish-të dashurit Taulant Pasho. Po ashtu ata theksuan se ekziston një “rrezik i madh” i largimit së gruas nga vendi, e cila ka mbajtur “lidhje të forta” në vendin e saj të origjinës.

Gjatë shqyrtimit të kësaj çështje, gjyqtarët vunë re se si Elona, ​​që nga fillimi, u përpoq të hiqte dyshimet nga vetja duke thënë shumë gënjeshtra të reja dhe të vjetra. Në përgjimet e bëra publike pas arrestimit të saj ajo u mundua të akuzonte të birin e çiftit Pasho, duke thënë se ai ishte tejet i dhunshëm për faktin se ai i mori ata dhe i tërhoqi zvarrë me skuter. Për këto arsye “mbajtja e saj në paraburgim është masa më e përshtatshme”.

(Viktimat, Shpetim dhe Teuta Pasho)

Nën hetim janë gjithashtu edhe Denis Kalesha, vëllai i vogël i Elonës dhe ish i dashuri, Taulant Pasho, i biri i çiftit të ndjerë shqiptar. Çifti Teuta dhe Shpëtim Pasho u gjetën të copëtuar në Itali në 4 valixhe, pesë vite pas zhdukjes. Që prej nëntorit të viti 2015, që përkon edhe me kohën kur doli nga burgu djali i tyre, nga ata nuk u mor vesh asnjë lajm. Ata u gjetën pranë burgut në Solliciano. Policia italiane vijon hetimet në zbardhjen e plotë të vrasjes makabre të çiftit shqiptar.

Tashmë e akuzuara për krimin është Elona Kalesha, që në kohën e zhdukjes së çiftit ka qenë e dashura e djalit të tyre, Taulanti, ndërsa tani ndodhet pas hekurave. Pavarësisht akuzave ajo nuk ka pranuar asgjë në lidhje me këtë krim.