Deputeti i Partisë Demokratike, Luan Baçi deklaroi në studion e “MCN Live” se grupi i PD-së zyrtare nuk kërkon bashkimin e partisë dhe se me dorëheqjen e Alibeajt ka nisur një lëvizje tjetër, ajo e zgjedhjes së kreut të grupit parlamentar. Duke vijuar më tej me shpjegimin e tij, Baçi tha se ka nisur mbledhja e firmave për të zgjedhur kryetarin e grupit, që po përflitet për Gazment Bardhin, por që këtë proces PD-ja zyrtare po kërkon ta bëjë sërish vetëm me deputetët e njërit krah.
Sipas Baçit rezultatet e 14 majit ishin katastrofike duke shtuar se përgjegjës janë dy grupet.
Duhet të themi që ky proces zgjedhor ishte një masakër e vërtetë dhe këtë duhet ta pranojmë.
PD e vërtetë ishte e detyruar të dilte me një sigël tjetër, nuk ishte zgjidhja më e mirë, por e detyrueshme. Tek emri i koalicionit mungonte emri Berisha, që ishte një faktor kryesor që ka ndikuar tek votat.
Alibeaj nuk e di nga çfarë posti e dha dorëheqjen. 'De facto' ai nuk ka pasur struktura, thjesht e mbajti peng që kandidatët e primareve të kishin rezultat të dobët. Edhe në ato bashki që nuk nxori kandidatë bëri një listë të këshillit bashkiak. Ka qenë një punë e vazhdueshme për të nxjerrë rezultat të dobët. Dorëheqja e Alibeajt më duket njëlloj si e Bashës. Bën një lëvizje, dhe çfarë bënë me këtë lëvije, filluan një tjetër.
Kanë filluar lëvizjen për të zgjedhur kreun e grupit parlamentar. Sot ishim në Parlament, e filluan aty lëvizjen. Një koleg më tha sot që kanë filluar të mbledhin firmat për kreun e grupit parlamentar (për Gaz Bardhin). I mbledhin firmat tek deputetët brenda vetes, nuk i quajnë deputetët e tjerë. Ata nuk duan bashkimin. Nëse Alibeaj dha dorëheqjene është i sinqertë dhe ata që pretendojmë bashkimin, ja ku jemi të gjithë, të bashkohemi dhe le të hidhen kandidaturat, të zgjidhet kreu i grupit parlamentar.
Vula i përket një të ardhmeje, kemi diçka në dorë për t’i dhënë një mesazh demokratëve të bazë. Nga grupi parlamentar nis gjithçka. Molla e sherrit ka qenë gjithmonë tek grupi parlamentar. Rama do që grupi parlamentar të jetë i përçarë prandaj pranon çdo lloj shkrese. Jemi në një moment reflektimi, ishte një rezultat katastrofë për të gjithë, edhe për partinë e vulës dhe për “BF”.
Jemi të gjithë përgjegjës, të japim mesazh demokratëve: Të bashkohemi të gjithë bashkë të zgjedhim kryetarin e grupit parlamentar.
E ndajnë grupin parlamentar në mënyrë të qëllimshme. E kanë mision dhe nuk duan të bashkojnë. Qëllimi është mbajtja e vulës, siglës dhe dalja si të ndarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
