Miratohet amnistia, përfitojnë rreth 600 të dënuar

Ministri i Drejtësisë Ulsi Manja në përfundim të mbledhjes së qeverisë pasditen e sotme, njoftoi miratimin e amnistisë penale për të dënuarit.

Në komunikimin për mediat Manja falënderoi ministrat që votuan projektligjin për amnistinë, duke thënë se tashmë fjalën e kanë deputetët.

Deputetet duhet të japin votën e tyre shumicë e cilësuar për kalimin e projektligjit për dhënie amnistie.

Nga kjo amnisti përfitojnë rreth 600 të dënuar të cilat do i kalojnë festat e fundvitit në familjet e tyre nëse do të marrë votat e deputetëve.

Qëllimi i këtij projektligji është përjashtimi nga dënimi  i këtyre personave që përfitojnë sipas kritereve të këtij ligji.

Dy kategoritë që përfitojnë janë gratë e dënuara dhe të miturit që do të kenë një mundësi që t’i kthehen proceseve të rehabilitimit dhe risocializimit pranë familjes së tyre dhe pranë shoqërisë.