Përplasja e një autobusi me një automjet të policisë rrugore ka lënë të plagosura tri gra. Ngjarja ndodhi në Laprakë, në rrugën “Dritan Hoxha”, rreth orës 07:25.
Në aksident u përfshi autobusi i linjës së Tiranës së Re dhe një mjet i Policisë Rrugore.
Sipas policisë, si pasojë e përplasjes dhe frenimit të menjëhershëm të autobusit kanë mbetur të dëmtuar tre pasagjere në autobus: F.D 53 vjeçe, S.GJ, 65 vjeçe dhe V.M 48 vjeçe, të cilat ndodhen nën kujdesin e mjekëve, jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
