Alarm ajror në të gjitha rajonet e Ukrainës. Autoritetet thonë se ushtria ruse po lëshon raketa kudo dhe po u kërkon qytetarëve të shkojnë në strehimore, pasi sulmet ajrore zgjatën më shumë se një orë në të gjithë vendin.
Kështu raporton Ukrainska Pravda. Kreu i administratës rajonale të Mykolaiv, Vitaly Kim kërkoi të merret seriozisht alarmi.
Raketat ruse po vijnë, merrni seriozisht alarmin ajror.
Presidenti i administratës shtetërore rajonale të Kirovohrad, Andrey Raykovich shkruoi në rrjetet sociale se “qielli është i frikshëm, armiku po lëshon raketa në të gjithë Ukrainën”.
Sipas agjencisë shtetërore ruse të lajmeve Ria Novosti, sot në mëngjes sistemi i mbrojtjes ajrore funksionoi në Belgorod, ku pati 16 shpërthime, xhamat e shtëpive u drodhën dhe krisën, ranë alarmet e makinave dhe kishte zhurma shumë të forta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
