Familja Murati në Kurbin jeton prej 4 vitesh në kontejner, që prej 26 nëntorit të vitit 2019 kur tërmeti i la pa shtëpi. Puna për ndërtimin e banesës së tyre ende nuk ka nisur dhe prej 7 muajsh familja nuk merr as bonus qiraje.
Përballë vështirësive që po përballen prej 4 vitesh, e zonja e shtëpisë Dëshira Murati thotë se e kanë humbur shpresën që shtëpia e tyre do të ndërtohet.
Bashkia e Kurbinit ishte një ndër zonat më të prekura nga tërmetit i nëntorit të vitit 2019-të, i cili la të pastrehe rreth 2 mijë familje. Aktualisht më shumë se gjysma e tyre kanë hyrë në shtëpitë e reja, ndërsa procesi i rindërtimit vijon për shtëpitë individuale dhe pallatet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
