Kreu i lëvizjes “Shqipëria Bëhet” Adriatik Lapaj duke folur në emisionin “Zonë e Lirë” theksoi që të gjithë zyrtarët nën hetim janë pjesë e mekanizmit të korrupsionit dhe sistemit që ka ndërtuar Rama.
Lapaj vuri në dukje se Rama është në ditët më të vështira politike. Ai u shpreh se kryeministri “bën mirë të japë dorëheqjen", pasi “nëse nuk e jep vendi duhet të shkojë në një përplasje pa kthim”.
I pyetur më konkretisht për drejtoreshën e AKSHI-t Mirlinda Karçanaj, e cila u paraqit sot në SPAK.
“Sistemi e prodhon të gjithë këtë. Më thuaj një çështje ku Prokuroria ka futur dorën dhe s’e ka gjetur me probleme në lidhje me lekët publike. Në momentin që kryetari i partisë emëron deputetët, e gjithë piramida shkon me të njëjtën metodologji. Këta janë pjesë e një mekanizmi dhe ka pak rëndësi emri. Një bie dhe 100 ngrihen. Nëse nuk demokratizojmë vendin, që në Parlament të shkojnë vetëm jesmena, që thonë vetëm po... Në modelin që qeveris Rama në çdo sektorë është dramë. SPAK-u e gjen fuqinë te ligji. Fuqia e ligjit është e jashtëzakonshme”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
