Grupi ‘Pink Floyd’ ka njoftuar se janë mbledhur mbi 450,000 paund (rreth 508,000 euro) për Ukrainën me këngën ‘Hey Hey Rise Up’ , të publikuar në prill për të mbështetur popullin ukrainas.
Këtë lajm e ka bërë të ditur grupi përmes një deklarate për mediat.
Pink Floyd dëshiron të falënderojë të gjithë ata që mbështetën Hey Hey Rise Up. Kënga e regjistruar më 30 mars me Andriy Khlyvnyuk, pjesëtar i grupit ukrainas Boombox , deri më tani ka mbledhur mbi 450,000 £ për të ndihmuar popullin ukrainas.
Shifrës së arritur, David Gilmour dhe Nick Mason i kanë shtuar 50 mijë paund, për të arritur në 500 mijë (rreth 564,000 euro) që do të shpërndahen për bamirësi humanitare.
"Hey Hey Rise Up" është kënga e parë e re origjinale e regjistruar nga grupi që nga "The Division Bell" e vitit 1994. Kënga përdor vokalin e Andriy Khlyvnyuk të nxjerrë nga një video e tij duke kënduar në Sheshin Sofiyskaya në Kiev, e cila është bërë virale në mediat sociale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
