Një anije kozmike private është ulur në Hënë, duke u bërë pajisja e dytë komerciale që prek sipërfaqen hënore.
“Blue Ghost” u shkëput nga Toka më 15 janar, pasi u lëshua nga firma amerikane “Firefly Aerospace” me synimin për të eksploruar të ashtuquajturin “Mare Crisium”, një krater i madh i dukshëm nga Toka.
Projekti është bashkëpunimi më i fundit i agjencisë amerikane të hapësirës Nasa dhe kompanive private. “Intuitive Machines”, një tjetër firmë, shpreson të zbarkojë anijen e saj kozmike “Athena” pranë polit jugor të Hënës në ditët e ardhshme.
“Intuitive” ishte kompania e parë private që arriti një ulje hënore. Anija e saj kozmike “Odysseus” mbërriti në Hënë më 22 shkurt të vitit të kaluar.
Megjithatë, misioni ishte jetëshkurtër pasi anija kozmike u ul në shpatin e një krateri, pësoi dëmtime në pajisje dhe mandej u shkatërrua.
"Blue Ghost" u ul pa probleme, pasi kishte qenë në orbitën e Hëns, në dy javët e fundit.
Stafi në selinë e “Firefly” në Teksas shpërtheu në duartrokitje dhe brohorima kur u bë me dije se ulja ishte realizuar me sukses.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
