Policia e Vlorës ka shpallur në kërkim dy persona, të cilët dyshohen si autorë të vrasjes së biznesmenit 29-vjeçar Vasil Dervishaj dy ditë më parë në Vlorë. Dy persona të tjerë janë vënë në pranga për ndihmën që u kanë dhënë autorëve të dyshuar.
Sipas policisë së Vlorës, në kërkim janë shpallur: E.A., 31 vjeç, lindur në Tepelenë dhe banues në Vlorë; dhe A.C., 28 vjeç, lindur në Tepelenë dhe banues në Vlorë.
Ndërsa dy të arrestuarit janë Nekid Arapi, 21 vjeç, banues në Vlorë; Amarildo Grembi (Muka), 28 vjeç, banues në Vlorë, të cilët kanë përkrahur autorët e krimit pas ngjarjes.
Policia e konsideron ngjarjen një krim i ndodhur pas një konflikti për motive të dobëta.
Në cilësinë e provës materiale janë sekuestruar: një armë zjarri kallashnikov model 56, me një krëhër me fishekë; një gëzhojë armë zjarri, model 9 mm; një pjesë predhe armë zjarri e dëmtuar; si dhe një automjet tip “Audi”, me të cilin dyshohet se janë larguar autorët pasi kanë kryer krimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
