Çmimet e ndërtimit/ Hebovija: Banesa më të shtrenjta pasi janë rritur taksat, shteti të gjej mekanizma për t'i ulur ato (VIDEO)

Ndër rritjet e çmimit të jetesës në vend, futen edhe ato të ndërtimit, të cilat vazhdojnë të jenë në ngritje. Sa po rriten çmimet e banesave, për një jetesë esenciale dhe të domosdoshme? 

Drejtori Ekzekutiv i Shoqatës së Ndërtuesve, Ilir Hebovija, i ftuar në “MCN live”, është i mendimit se me rritjen e taksave dhe tatimeve, dukshëm janë rritur edhe çmimet e banesave.

Sipas tij, shteti duhet të krijojë mekanizma konkretë për ti frenuar këto rritje dhe të ndikoj në uljen e tyre.

Përgjithësisht duke parë rritjen e taksave, tatimeve, ne marrim tashmë banesa më të shtrenjta. Kjo do të ndikoj në çmimin e banesave, normalisht që shteti duhet të ketë mekanizma që të kontribuoj në uljen e çmimeve përkatësisht që të uljen e taksave.

Pra, mekanizma për të frenuar këtë, i kanë në dorë institucionet, jo tani që jemi në këtë krizë, por edhe më përpara.

Ne morëm një iniciativë kur kontratat ishin lidhur para krizës dhe nuk i ndryshuam. Qeveria mori masa për ti frenuar për investimet publike, por çmimet janë rritur jo vetëm për investimet publike, por edhe për ato private, jo vetëm biznesi i ndërtimit e pëson.

Për Hebovijën, shteti duhet ti rishikojë taksat, në mënyrë që të ndihmojë biznesin e ndërtimit privat.

Pa diskutim që duhet rishikuar edhe taksat, për të parë mundësinë e uljes së taksave që janë vënë pa të drejtë, taksat për ndërtimin i kemi dërguar edhe në Gjykatën Kushtetuese, duhet ulje e taksave për bizneset private, nëse ti ja jep biznesit publik, duhet bërë të njëjtën gjë edhe me indeksimin e privatit, njëra industri punon edhe në vepra private.

Për të mbajtur trendin nëse ne nuk e bëjmë, duhet të gjejmë mekanizma për ta mbajtur industrinë e ndërtimit në këmbë, shteti duhet të gjej mënyra për t’ja lehtësuar barrën qytetarëve dhe industrisë.