Aleanca për Ardhmërinë e Kosovës ka akuzuar Lidhjen Demokratike të Kosovës se e ka ndryshuar Marrëveshjen mes partive për Projektligjin për Demarkacionin e kufirit ndërmjet Kosovës dhe Malit të Zi.
Sipas AAK-së, LDK ka ndryshuar marrëveshjen në Komisionin për Politikë të Jashtme. AAK-ja thotë se ndryshimet janë bërë në renditjen e pikës 2, e cila është “Dokumentacioni zyrtar i Komisionit Shtetëror për shënimin e Kufirit Shtetëror në mes të Republikës së Kosovës dhe Malit të Zi si orientim”.
Dje, Haradinaj paralajmëroi udhëheqësit e partive politike se “çdo ndryshim potencial i kësaj marrëveshjeje parimore rreth Projektligjit mund t’i kthej në pikën zero tërë proceset dhe përpjekjet”.
Ndërkohë, në LDK thonë se asgjë nuk ka ndryshuar. Kreu i Grupit Parlamentar të LDK-së, Avdullah Hoti, është shprehur se marrëveshja është po e njëjta e nënshkruar më 22 mars.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
