Egnatia triumfoi 3-2 me përmbysje ndaj Erzenit, në një ndeshje që mund të quhet e çmendur.
Fitore me vuajtje për rrogozhinasit, që shkëputen në krye të renditjes me 46 pikë, plotë 10 pikë më shumë se Partizani i vendit të dytë.
Sa i përket ndeshjes, pjesa e parë u mbyll me avantazhin e Erzenit, pas golit të Bnou në minutën e 5-të.
Megjithatë, pjesa e dytë ishte një tjetër histori. Në minutën e 59-të, Spahiu vendosi baraspeshën.
Agim Zeka riktheu shijakasit në avantazh në minutën e 74-t, por ky avantazh zgjati shumë pak. Dy minuta më vonë, afrimi i janarit tek Egnatia, Montenegro barazoi shifrat në 2-2.
Në minutën e 80-të, ishte sërish një nga afrimet e janarit, Ibrahimoglu, i cili shënoi edhe golin e përmbysjes për rrogozhinasit, duke i dhënë fitoren.
Me këtë humbje, Erzeni mbetet në vendin e shtatë me 22 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
