Më 25 qershor, votuesit e Kavajës do të kenë përpara dy fletë votimit. Përveç forcës politike që do t’i përfaqësojë, ata do të zgjedhin edhe kryetarin e ri të bashkisë.
Tri partitë më të mëdha kanë vendosur të dalin në betejën për Bashkinë e Kavajës secila me kandidatin e vet. Kështu përballë në Kavajë do të jenë Isa Sajka nga PD, Dorian Murati nga PS dhe Maksim Kona për LSI-në.
LSI e zyrtarizmi dje kandidatin e saj duke duke dërguar emrin e Konës në KQZ. Ndërsa dy kandidat e PS dhe PD ende nuk janë regjistruar zyrtarisht, por burimet nga këto parti flasin për emrat e Muratit dhe Sajkës.
Isa Sakja është kryetar i PD-së për degën e Kavajës. Ndërsa kandidati i socialistëve Dorian Murati është drejtor i OSHEE-së në këtë qytet dhe më herët ka qenë edhe drejtor i ALUIZNI-t për Kavajën.
Maksim Kona që garon nën siglën e LSI-së është Doktor i shkencave inxhinerike, i diplomuar në Torino.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
