Eksperti i bujqësisë, Gjok Vuksani, ka ngritur alarmin për situatën e vështirë që po kalon sektori bujqësor në vend, si pasojë e rritjes së fortë të çmimeve. Në një lidhje me studion e lajmeve në MCN TV, ai theksoi se kriza po prek njëkohësisht fermerët dhe konsumatorët.
Sipas tij, përveç naftës, janë rritur ndjeshëm edhe kostot e tjera të prodhimit si plehrat kimike, pesticidet dhe farërat, duke çuar në një rritje të përgjithshme të kostos me 30–40%. Kjo rritje, sipas ekspertit, transferohet drejtpërdrejt te çmimet në treg, duke i bërë ato të papërballueshme për qytetarët.
Vuksani kritikoi mungesën e masave konkrete nga institucionet, duke kërkuar ndërhyrje të menjëhershme. Ai theksoi se ulja e çmimit të naftës për fermerët duhet të jetë prioritet duke u ndalur në disa propozime konkrete për të lehtësuar këtë situatë.
1. Ulja e çmimit të naftës për fermerët
2. Rikthimi dhe përmirësimi i skemës së naftës
3. Ulja e kostove të inputeve bujqësore
4. Mbështetje për prodhimin vendas
5. Kontroll më i fortë i tregut dhe importeve
6. Masa për të mbrojtur konsumatorin
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
