Pa njoftime të mëdha dhe me një përditësim të platformës së saj ebook, Apple ka lançuar një shërbim që lejon çdo autor të lexojë punën e tij me një zë dixhital, bazuar në inteligjencën artificiale.
Në këtë mënyrë, edhe autorë të pavarur mund të publikojnë libra audio, duke përdorur "tregimin dixhital" të ofruar nga Apple.
"Tregimi dixhital i "Apple Books" bashkon teknologjinë e përparuar të tekstit në të folur me punën e palodhur të ekipeve të gjuhëtarëve, specialistëve të sigurimit të cilësisë dhe inxhinierëve audio për të prodhuar libra audio me cilësi të lartë nga një skedar ebook. Zërat tanë dixhitalë janë krijuar dhe optimizuar për zhanre specifike", shpjegon kompania.
The Guardian raporton se muajt e fundit Apple ka kontaktuar disa botues në lidhje me projektin, duke shpjeguar se dëshiron të përballojë kostot e prodhimit, me shkrimtarët që do të merrnin honorare nga shitjet.
Për të mbajtur sekret iniciativën, Apple kontaktoi autorët përmes një prej filialeve të saj. Fillimisht, Apple planifikoi të lanconte librat audio të transmetuar nga AI në mes të nëntorit, por kaosi që ka përfshirë botën e teknologjisë, duke përfshirë pushimet nga puna në Meta-Facebook dhe marrjen e Twitter nga Elon Musk, kanë çuar në vonimin e daljes.
Për momentin, rrëfimi është i disponueshëm në anglisht, në katër versione: Madison, Jackson, Helena dhe Mitchell. Mund të kërkoni për libra audio të disponueshëm duke shtypur "narracion dixhital"
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
