Autoriteti i Konkurrencës në Mbretërinë e Bashkua (CMA) ka urdhëruar kompaninë Meta (kompania udhëheqëse e Facebook, Instagram dhe WhatsApp) të shesë kompaninë e ilustrimeve të animuara Giphy, pasi apeli i saj u refuzua.
Pothuajse një vit pas vendimit fillestar nga CMA dhe apelit nga Meta përpara një gjykate britanike, e cila vendosi në favor të rregullatorit, Antitrust rithekson edhe një herë se e vetmja mënyrë për të shmangur një ndikim të rëndësishëm të blerjes së 'Giphy' nga gjiganti i rrjeteve sociale mbi konkurrencën është që të shesë totalisht kompaninë.
Meta, gjiganti i themeluar nga Mark Zuckerberg, në një deklaratë tha se ishte i zhgënjyer nga vendimi, por shtoi se e ka pranuar vendimin.
Jemi të zhgënjyer me vendimin e CMA, por e pranojmë vendimin e sotëm si fjalën e fundit për këtë çështje. Do të punojmë ngushtë me CMA për t'u larguar nga Giphy.
Kështu tha një zëdhënës i Metës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
