Ministria e mbrojtjes e Koresë së Veriut akuzoi Shtetet e Bashkuara të Amerikës dhe Korenë e Jugut për shtimin e aktiviteteve të zbulimit rreth kufirit ndërkorean, duke paralajmëruar se do të veprojë nëse cenohet sovraniteti dhe siguria e saj, njoftoi të dielën media shtetërore KCNA.
Zëvendësministri i Mbrojtjes i Koresë së Veriut, Kim Gang Il, tha se SHBA kishte fluturuar të paktën 16 nga aeroplanët e saj të zbulimit strategjik RC-135 dhe U-2S dhe dron RQ-4B mbi gadishullin Korean midis 13 dhe 24 majit.
Ai akuzoi marinën dhe rojet bregdetare të Koresë së Jugut për nxitje të tensionit ushtarak duke rritur aktivitetet e patrullimit dhe duke shkelur gjithnjë e më shumë kufirin detar.
Dezertorët dhe aktivistët e Koresë së Veriut në Korenë e Jugut dërgojnë rregullisht balona që përmbajnë fletëpalosje kundër Phenianit, së bashku me ushqime, ilaçe, para, mini radio dhe USB të ngarkuar me lajme dhe ngjarje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
