Ramabaja: Shqipëria dhe Kosova të shkrijnë në një ekonominë e luftës, të krijohet Federata Shqiptare (VIDEO)

Drejtori i Institutit për Gjeopolitikë Sadri Ramabaja kërkon që Shqipëria dhe Kosova të kenë siguri të përbashkët dhe të shkrijnë në një ekonominë e luftës.

Duke folur për “MCN Informacion” ai deklaroi se përballë situatës së tensionuar të sigurisë, nxitur nga lufta mes Iranit dhe Izraelit, duhet të shkohet drejt krijimit të Federatës Shqiptare;

Izraeli ka pasur të drejtën e vetëmbrojtjes, se është kërcënuar me ekzistencë dhe të drejtën për vetëmbrojtje nuk e mohon askush. 

Bota po shkon drejt një rendi të ri se ka mbaruar balanca mes dy superfuqive, që ishin SHBA. Nuk mund të interpretohet e drejta ndërkombëtare pasi Irani kërcënon me zhdukjen e Izraelit. 

Shqipëria dhe Kosova kanë nevojë urgjente që të kenë siguri të përbashkët, të shkrijmë në një ekonominë tona dhe ekonominë e luftës.

 Unifikimi i strategjisë mbrojtëse, një komandë ushtarake, mundësisht të shkohet drejt krijimit të Federatës Shqiptare dhe të shfrytëzohet ky moment që të shkohet drejt krijimit të Federatës Shqiptare, që të jemi të sigurt se po të kishim armatim mbrojtës Se Serbia do të mendohej dy tre herë më gjatë pasi të ndërmerrte ndonjë aventurë.