Gjatë katër viteve të fundit, Doug Mills, një fotograf i revistës “New York Times” që nga viti 2002, ka realizuar dhjetëra mijëra shkrepje të Presidentit Trump. Ai e quan Trump si një nga Presidentët më ikonë.
“Presidenti Trump ishte komandanti kryesor më i paparashikueshëm në 38 vitet e mia të mbulimit të Shtëpisë së Bardhë. Ai drejtoi ciklin e lajmeve pas cikleve të lajmeve çdo ditë, dhe unë isha atje për shumicën e tyre. Presidenti Trump ishte deri më tani presidenti më ikonë që kam fotografuar. Presidenti Obama ishte më fotozheniku. Flokët, xhaketat e zeza dhe kollaret e kuqe të z. Trump, së bashku me figurën e tij fizike, e bëjnë pothuajse çdo pjesë të trupit të tij të dallueshme”, thotë fotografi Mills.
Ai tregon se Trump e kishte veçuar atë shpesh në eventet ku ishte bërë pjesë, duke e cilësuar si një nga fotografët më të mirë.
“Si shumë presidentë që kam mbuluar, kisha një raport. Ai shpesh përshëndeste kur kthehej në Air Force One për të folur me gazetarët dhe më quante ‘gjeni’. Trump më ka vlerësuar disa herë dhe gjithashtu ka vënë në pikëpyetje fotot që janë botuar. Gjatë një takimi me kryeministrin e Anglisë, Presidenti Trump tha, ‘Hej, Mills, e urreva atë foton në faqen e parë që u publikua dje’. Vërtet besoj se ai e respektoi punën time dhe mendoi se isha i drejtë dhe i paanshëm. Përpiqem ta bëj këtë çdo ditë. Mësova të largoja të gjitha retorikat dhe të përqendrohesha në bërjen e fotografive”, tregoi ai në një intervistë për “NYTimes”.
Ai thotë se puna në këtë 4-vjeçar ishte më e lehtë, pasi si asnjëherë më parë operatorët nuk kanë pasur më shumë akses në Zyrën Ovale apo në Dhomën e Kabinetit.
Përkthyer nga NYTimes. Ndalohet ribotimi pa burimin MCN.al
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
