Juristi Adriatik Lapaj e cilëson kafshërore dhunën e ushtruar nga policia mbi protestuesit pas shembjes së Teatrit Kombëtar. Në studion e emisionit “Stay Tunned”, Lapaj tha se Policia e Shtetit është një strukturë që keqpërdoret.
“Strukturë që keqërdoret. Dhuna ishte e pajustifikuar. Ndodh që policia edhe të rreh, të merr zvarë, por kur ka një arsye të ligjshme. Ndodh edhe në Perëndim. Atë ditë janë rrahur djem e vajza që marrin në dorë libra. Mënyra si u mor një gazetar, pa asnjë rrezik, është kafshëri”, tha ai.
Lapaj shtoi se artistët po angazhohen për peticionin që kërkon rindërtimin e teatrit.
“Kryetari i bashkisë sigurisht që me dhunë mund ta prishte. Qytetarët e Shqipërisë janë ngopur me dhunë. Komuniteti i artistëve është duke bërë një peticion. Numri i personave të kallëzuar po kalon mbi 60. Artistët po ndërmarrin një nismë që godina të ndërtohet ku ishte dhe si ishte”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
