Alkooli nuk do t'u shitet tifozëve në tetë stadiumet e Kupës së Botës në Katar pasi FIFA ndryshoi politikën e saj dy ditë para fillimit të turneut. Kujtojmë që më parë ishte vendosur që alkooli të shërbehej në zona të caktuara brenda stadiumeve, pavarësisht se shitja e tij kontrollohej rreptësisht në vendin mysliman. Kupa e Botës fillon të dielën kur Katari do të luajë kundër Ekuadorit.
Budweiser, një sponsor kryesor i FIFA-s, është në pronësi të prodhuesit të birrës AB InBev dhe kishte të drejta ekskluzive për të shitur birrën në Kupën e Botës.
“Pas diskutimeve ndërmjet autoriteteve të vendit pritës dhe FIFA-s, është marrë një vendim për të fokusuar shitjen e pijeve alkoolike në festivalin e tifozëve të FIFA-s, destinacione të tjera të tifozëve dhe vende të licencuara, duke hequr pikat e shitjes së birrës nga perimetri i stadiumit të Katarit të Kupës së Botës 2022”, thuhet në deklaratën e organit drejtues të futbollit botëror.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
