“Portrete mbretërore: Një shekull fotografie” është ekspozita e parë në Galerinë e Mbretit të sapohapur në Pallatin Buckingham, e cila më parë njihej si Galeria e Mbretëreshës. Duke shfaqur 150 foto nga 40 fotografë, ekspozita bashkon vepra nga fotografë të njohur.
Fotografitë janë nxjerrë të gjitha nga Koleksioni Mbretëror një nga koleksionet më të mëdha të artit në botë dhe përfshin portrete të ndryshme.
Duke filluar nga vitet 1920, ekspozita paraqet portretet mbretërore nga fillimet e saj në fotografinë bardh e zi, deri te përshkrimet shumëngjyrëshe dhe moderne në shekullin e 21-të.
Fotografia ka qenë një mënyrë e rëndësishme për familjen mbretërore britanike për të projektuar një imazh të kujdesshëm publik, duke u dukur gjithashtu e aksesueshme.
Sipas kuratorit të ekspozitës, fotografia e portretit mbretëror mund të “ruajë në mënyrë unike rolin historik dhe funksionin e një portreti mbretëror duke e vendosur familjen mbretërore në epokën moderne”.
Ekspozita hedh gjithashtu dritë mbi proceset e prapaskenës, nga fletët e kontaktit dhe shënimet e shkruara me dorë të fotografëve deri te korrespondenca me anëtarët e familjes mbretërore dhe stafin e tyre.
Ekspozita do të mbahet nga 17 maji deri më 6 tetor. Pallati Buckingham ka shërbyer si rezidenca zyrtare në Londër e monarkëve të Mbretërisë së Bashkuar që nga viti 1837, dhe sot është selia administrative e mbretit Charles, i cili jeton me Mbretëreshën në ish-rezidencën e tyre Clarence House.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
