Kryeministri i Kosovës Avdullah Hoti thotë se qeveria e tij dhe e Serbisë kanë hyrë në dialog për një marrëveshje përfundimtare, sa i përket njohjes reciproke. Këtë Hoti e deklaroi gjatë një deklarate për mediat që mbajti me ambasadorin e Bashkimit Evropian në Koëovë, Tomas Szunyog.
“Kjo qeveri nuk ka frikë t’i qaset dialogut e të ulet në tavolinë sepse parimet janë të qarta. Nuk kam frikë të ju qasem të gjitha temave. Nuk kemi hyrë në procesin e dialogut për një zgjidhje të përkohshme, por për një zgjidhje përfundimtare, që i normalizon përgjithmonë raportet me Serbinë,”- ka thënë ai para mediave.
Më tej kryeministri i Kosovës ka deklaruar se Raporti i Bashkimit Evropian për Kosovën nxjerr në pah se Kosova i ka plotësuar të gjitha kushtet për liberalizim të vizave.
“Raporti tregon se është bërë progres. Arritja më e madhe e Kosovës në këtë proces është marrëveshja e stabilizim asociimit të vitit 2016. Raporti me të drejtë thotë se Kosova i ka plotësuar kushtet për liberalizimin e vizave, këto kushte duhet të mbesin të plotësuara,”- tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
