Katër të rinj nën efektin e alkoolit janë konfliktuar midis tyre, duke dëmtuar edhe lokalin ku po pinin. Ngjarja është regjistruar rreth orës 22:20 minuta në lagjen nr. 17 të Durrësit dy net më parë.
Policia e qytetit bregdetar bëri me dije se ka filluar procedimin penal ndaj shtetasve, A.M. 26 vjeç, E.M. 22 vjeç, K.B. 27 vjeç dhe Xh.K. 25 vjeç, banues në Durrës.
“Shtetasit e mësipërm, më datë 15.01.2017, rreth orës 22:20, në lagjen Nr.17, Durrës, në ambientet e një lokali, nën efektin e alkoolit, janë konfliktuar me njëri-tjetrin. Për pasojë, janë dëmtuar lehtë, vetë shtetasit e mësipërm dhe kanë shkaktuar dëme materiale në lokal”, sqaron komunikata.
Materialet i kaluan Prokurorisë së Rrethit Gjyqësor Durrës për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
