Disa javë pas bisedës me Donald Trump, udhëheqësi i Koresë së Veriut Kim Jong Un ka organizuar një takim me presidentin e Rusisë Vladimir Putin.
Takimi i tyre do të zhvillohet në Rusi në fund të prillit, sipas Kremlinit.
Ky takim vjen pas samitit të dytë ndërmjet Trump e Kim që u zhvillua në shkurt, por dështoi pasi nuk u arrit një marrëveshje për heqjen e sanksioneve ndaj Koresë së Veriut, e cila në shkëmbim do të hiqte dorë nga programet e saj nukleare dhe të raketave.
Kim tha se së fundmi marrëdhënia e tij personale me Trump ishte ende e mirë, por ai nuk do të kishte interes në një samit të tretë, nëse do të ishte veçse një përsëritje e atij të shkurtit që u zhvillua në Hanoi.
Ndërkohë, sipas medias shtetërore koreane KCNA, Kim vëzhgoi testimin e një lloji të ri arme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
