Belgjika ka zgjatur bllokimin e vendit deri në 1 prill, megjithatë disa kufizime do të lehtësohen nga 13 shkurti, sipas njoftimit të kryeministrit të vendit në një konferencë shtypi.
Baret dhe restorantet, të cilat janë mbyllur që nga tetori i kaluar, do të vijojnë të qëndrojnë të mbyllura.
“Situata e koronavirusit në vendin tonë ka qenë mjaft e qëndrueshme që nga fillimi i dhjetorit, ne kemi parë që shtrimet në spital dhe niveli i vdekshmërisë po zvogëlohet, por nga ana tjetër, kemi parë se rritja e numrit të rasteve mbetet përafërsisht në të njëjtin nivel”, tha kryeministri belg Aleksander De Croo.
Ai ia atribuoi stabilitetin e pandemisë, personave që ndjekin rregullat por shtoi se ata do të duhet të jenë “veçanërisht të kujdesshëm me situatën” nëse masat lehtësohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
