Pas ratifikimit të demarkacionit, lufta ndaj krimit të organizuar është mënyra më e mirë dhe më e shpejtë për të arritur te liberalizimi i vizave për shtatsit e Kosovës. Komisioneri për Zgjerim, Johannes Hahn, pas takimit me Presidentin Hashim Thaçi në Bruksel, tha se ‘Kosova ka përmbushur kriteret për liberalizim’, megjithatë përmendi luftimin e krimit të organizuar për liberalizimin e vizave.
“Presidenti Thaçi ka konfirmuar vazhdimin e përpjekjeve në luftimin e krimit të organizuar. Kjo është mënyra më e mirë dhe më e shpejtë për liberalizimin e vizave për Kosovën dhe qytetarët e saj”, shkroi ai në Tuiter pas takimit.
Thaçi ndodhet në Bruksel për të vazhduar dialogun në nivelin e lartë mes Kosovës dhe Serbisë. Ai sot do të takohet me Presidentin serb, Aleksander Vuciç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
