Kreu i qeverisë Edi Rama ka reaguar për dhunën e ushtruar ndaj gazetarit Elvi Fundo ditën e sotme. Kryeministri Rama nëpërmjet një postimi në rrjetin social "Facebook", dënoi aktin e dhunës dhe kërkoi zbardhje të plotë sa më parë të këtij krimi.
“Dënoj me forcë aktin e dhunës ndaj gazetarit Elvi Fundo. Zbardhje e plotë sa më parë e këtij krimi. Neveri për politizimin e kësaj barbarie nga #VajmedetPD,” shkruan Rama.
Ish-zëdhënësi i Ridvan Bodes në qeverinë Berisha, Elvi Fundo ka rënë pre e dhunës nga dy persona ende të paidentifikuar.
Ngjarja në fjalë ndodhi ditën e sotme në zonën e “Stacionit të Trenit” në kryeqytet.
Dy persona kanë goditur Fundon me grushte dhe mjete të forta, e më pas janë larguar nga vendngjarja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
