Ish-drejtori i morgut të Shkollës Mjekësore të Harvardit, Cedric Lodge, 55 vjeç, akuzohet për trafikim të mbetjeve njerëzore, njoftoi në një deklaratë prokurori Gerard Karam. Lodge së bashku me gruan e tij 63-vjeçare dhe pesë bashkëpunëtorë të tjerë të dyshuar u akuzuan për pjesëmarrje në një “rrjet kombëtar” të tregtimit të mbetjeve njerëzore. Aktakuza thotë se nga viti 2018 deri në vitin 2022, Lodge “vodhi organe dhe pjesë të tjera të kufomave të dhuruara për kërkime mjekësore dhe edukim para djegies së tyre”. Ai akuzohet se ka marrë mbetjet nga Universiteti i Harvardit në Boston në shtëpinë e tij në Goffstown, New Hampshire, ku ai dhe gruaja e tij ia shitën ato dy prej të pandehurve të tjerë Katrina Maclean dhe Joshua Taylor. Lodge ndonjëherë i lejonte Maclean dhe Taylor që të shkonin në morg për të ekzaminuar trupat dhe për të zgjedhur se çfarë të blinin, tha prokuroria. Sipas prokurorëve, Maclean dhe Taylor më pas i shisnin mbetjet. Lodge ishte përgjegjëse për programin e dhurimit të anatomisë së morgut të Harvardit. Ai u pushua nga puna më 6 maj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
