Tridhjetë e dy ditë pasi një veshkë u transplantua nga një derr i modifikuar gjenetikisht, tek një pacient i vdekur, transplanti vazhdon të funksionojë pa probleme.
Njoftimi është dhënë nga shkencëtarët amerikanë të punësuar pranë Qendrën Mjekësore të Langone.
Ata ta sqarojnë se, pacienti 57-vjeçar, u mbajt në mbështetje mekanike për eksperimentin, pasi ia dhuroi trupin e tij shkencës.
Më 14 korrik, veshkat e tij u hoqën dhe u zëvendësuan me një veshkë derri të modifikuar gjenetikisht, me shpresën se transplanti nuk do të refuzohej.
Derrat mund të ndihmojnë në zgjidhjen e krizës së transplantit të organeve nëse studiuesit arrijnë ta bëjnë procesin të sigurt. Kjo ndërhyrje ishte një hap drejt këtij qëllimi.
Mungesa e organeve të donatorëve ka bërë që shkencëtarët të thellojnë studimet e tyre mbi ksenotransplantimin, thënë ndryshe përdorimin e organeve të kafshëve për transplantim te njerëzit.
I njëjti ekip shkencor kreu transplantin e parë në botë të veshkës së derrit te njeriu, në shtator 2021.
Transplanti i parë në botë i zemrës së derrit te një pacient u bë në janar 2022 në Qendrën Mjekësore të Universitetit të Maryland, por pacienti vdiq dy muaj më vonë.
Më shumë se 100.000 amerikanë janë në listën e pritjes për transplantim organesh. Prej tyre, pothuajse 88.000, vuajnë nga veshkat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
