Dashuria me një djalë mysliman i ka kushtuar jetën 17-vjeçares Henriette Kara. Por ajo që ka tronditur vendin ku jetojnë prindërit e saj është pikërisht fakti se këta të fundit janë autorët e vrasjes së të bijës.
Ata ishin kristianë dhe nuk e pranonin dot që vajza e tyre të lidhte jetën me një mysliman, pavarësisht se jetojnë në një vend ku të dy besimet bashkëjetojnë.
Babai i vajzës, Sami Kara, nuk e pranonte dot faktin se e bija ishte lidhur me një mysliman dhe gjithçka arriti kulmin kur ajo i tha se dëshironte të konvertohej në islam.
Vajza është larguar nga shtëpia pas konfliktit me prindërit dhe është vendosur në shtëpinë e vjehrrës, pasi i dashuri ishte arrestuar.
Prindërit e gjetën dhe e rikthyen në shtëpi. Më 13 korrik, Henriette u gjet e vrarë me disa goditje thike. Në pranga përfunduan prindërit dhe një xhaxha. Pavarësisht se i ati nuk e pranon autorësinë e krimit, një telefonatë që ai ka bërë me të shoqen duket se shpjegon gjithçka.
“Harroje, nuk ia vlen më. Na çnderoi familjen, është një plehrë që meriton të vdesë e braktisur si qen”, janë fjalët që kanë paraprirë krimin në familje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
