Përfundon procesi i votimit në Gjirokastër, Përmet dhe Tepelenë, zgjidhen kryetarët e degëve të PD

Ka përfunduar procesi zgjedhjeve dhe numërimit për kryetarin e ri të Degës së Partisë Demokratike në Gjirokastër.

Komisioni i Rithemelimit, që po monitoron të gjithë procesin, sqaron se pas numërimit të fletëve të votimit, fitues është shpallur Eris Shahin Shehaj, me 53% të votave, ndërkohë vijon procesi në 17 degët e tjera.

Ndërkaq, Komisioni i Organizimit dhe Kontrollit të Operacioneve Elektorale të Partisë Demokratike njofton që është mbyllur procesi zgjedhor për zgjedhjen e PD dega Përmet.

Gjithashtu procesi ka përfunduar edhe në Tepelenë, ku fitues është shpallur Malo Hydai Sadikaj, me 87% të votave.

Pas numërimit të fletëve të votimit, Kryetar i PD dega Përmet u shpall Arson Kleanthi Lipe me 81 % të votave.

Vijon procesi i votimit dhe numërimit në degët e tjera vijon.