Izrael, besimi në qeveri bie në nivelin më të ulët të 20 viteve

Besimi në qeveri është në nivelin më të ulët në 20 vjet, sipas një sondazhi të kryer së fundmi nga Instituti i Demokracisë së Izraelit.

Vetëm 20.5% e hebrenjve izraelitë dhe 7.5% e izraelitëve arabë të anketuar thonë se kanë besim te qeveria e Kryeministrit Benjamin Netanyahu, kur u anketuan pas sulmit brutal terrorist të Hamasit të 7 tetorit.

Në muajin qershor, anketimi doli me shifrat 28% për hebrenjtë izraelitë dhe 18% për hebrenjtë arabë.

Më herët të hënën, e përditshmja hebraike Yedioth Ahronoth raportoi se tre anëtarë të paidentifikuar të kabinetit të Netanyahut po mendojnë të japin dorëheqjen.

Ky veprim i tyre vjen në përgjigje të dështimit të qeverisë dhe institucioneve të sigurisë për të parandaluar 7 tetorin dhe trajtimin e pasojave të sulmit të Hamasit.