Jeff Zients, i cili drejtoi task-forcën e presidentit amerikan Joe Biden për Covid, pritet të emërohet shefi i ardhshëm i stafit të Shtëpisë së Bardhë.
Shefi aktual i stafit, Ron Klain, do të japë dorëheqjen pas fjalimit të Shtetit të Unionit më 7 shkurt, ka raportuar New York Times.
Roli konsiderohet të jetë një nga më të rëndësishmit në Shtëpinë e Bardhë. Shefi i stafit është përgjegjës për drejtimin e agjendës së politikave të presidentit dhe punësimin e stafit.
Z. Zients u largua nga roli i tij si koordinator i politikave Covid prillin e kaluar, por që atëherë ishte kthyer për të ndihmuar në zgjedhjet afatmesme të nëntorit.
Ai punoi nëpër administrata të ndryshme, duke përfshirë si këshilltar ekonomik i Barack Obamës në vitin 2009. Në sektorin privat, ai u përpoq të merrte pronësinë e Washington Nationals, por dështoi.
Z. Zients u vlerësua për punën e tij si koordinator Covid pasi ai drejtonte fushatën mbarëkombëtare të vaksinimit, por u përball me kritika se administrata nuk bëri mjaftueshëm për të rritur testimin.
Kthimi i tij në Shtëpinë e Bardhë vjen në një moment vendimtar për presidentin amerikan, pasi stafi i tij fillon të kthejë vëmendjen e tyre në një fushatë të mundshme rizgjedhjeje në 2024.
Disa demokratë kishin shpresuar që zoti Biden mund të kishte zgjedhur një grua për këtë rol, raportoi Washington Post. Ish-presidenti amerikan Donald Tump kishte katër shefa të shtabit në katër vjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
