Gjumi është i domosdoshëm për të ruajtur kujtimet. Një studim i fundit, i botuar në “Nature Communications”, ka identifikuar se si, ndërsa ne flemë, truri prodhon skema të veçanta të aktivitetit dhe kur disa prej tyre ndërthuren, përvojat e mëparshme riaktivizohen, duke ndihmuar në çimentimin e kujtimeve.
Siç e dimë, ndërsa flemë, informacioni i mësuar më parë riaktivizohet dhe kjo na lejon të ruajmë kujtimet afatgjata. Për të kuptuar më mirë mekanizmin, ekipi shpiku teste të reja në të cilat pjesëmarrësve u tregohej informacion para se të dremitnin, pastaj aktiviteti i trurit u monitorua gjatë gjumit duke përdorur regjistrimin elektrokardiogram.
Pjesëmarrësit më pas u testuan pas zgjimit, për të lidhur shkallën e riaktivizimit të kujtesës gjatë gjumit, me aftësinë aktuale për të mbajtur mend pas zgjimit. Doli se rol kyç kishte kombinimi i dy aktiviteteve të trurit që luajnë rol të rëndësishëm: lëkundjet e ngadalta, dmth impulset nervore që udhëtojnë si 'valë' nga një pikë në tjetrën në korteksin cerebral gjatë gjumit të thellë dhe “amalgamat” e gjumit, d.m.th. shpërthime të papritura dhe të shpejta të aktivitetit oshilues të trurit që paralajmëron kalimin nga një fazë e lehtë e gjumit në një më të thellë.
Bernhard Staresina, një nga studiuesit dhe pedagog në Shkollën e Psikologjisë në Universitetin e Birminghamit – thotë se këto zbulime hedhin dritë të re mbi funksionin e kujtesës së gjumit dhe nënvizojnë rëndësinë e respektimit të ritmeve të gjumit për të orkestruar krijimin e kujtimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
