Presidenti ukrainas Volodymyr Zelensky ka pohuar se forcat ukrainase po i shkaktojnë “goditjen më të madhe ushtrisë ruse në dekada”.
Në një video në Facebook të shtunën, Zelensky tha se 31 grupe batalionesh taktike ruse nuk janë në gjendje të luftojnë dhe më shumë se 360 tanke ruse kanë humbur.
Zelensky shtoi se grupet e trupave ruse po dorëzoheshin te forcat ukrainase, por Rusia tani po rekruton luftëtarë, rezervistë, rekrutët dhe mercenarë për të "tejkaluar në numër" forcat ukrainase.
"Ata po përdorin terrorin për të na thyer, për të thyer besimin tonë në fitoren e Ukrainës, kam besim se nuk do të kenë sukses”, shtoi Zelensky.
Duke iu drejtuar qytetit të Mariupolit , Zelensky tha se forcat ukrainase do të garantojnë një armëpushim përgjatë korridorit të evakuimit jashtë qytetit për të lejuar furnizimet në qytet dhe për të lehtësuar evakuimin e civilëve.
Deklaratat e Zelensky vijnë pas një sulmi ajror rus në maternitetin dhe spitalin e fëmijëve të Mariupol të mërkurën, duke lënë të plagosur 17 persona, duke përfshirë fëmijë, gra dhe mjekë, sipas zyrtarëve të qytetit Mariupol.
Tre persona vdiqën, tha këshilli i qytetit të enjten, mes tyre një fëmijë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
