Terminali i Konteinerëve në Portin e Durrësit do t'i jepet privatit për një afat 5-vjeçar.
Autoriteti Portual Durrës ka hapur tenderin me fond limit 3.7 miliardë lekë pa TVSH me objekt: "Shërbimi i menaxhimit dhe operimit të Terminalit të Konteinerëve në portin e Durrësit tek operatorë portualë privatë të specializuar për 5 vjet”.
Afati për dorëzimin e dokumenteve për pjesëmarrjen në garë përfundon më 22 shtator 2020.
Porti i Durrësit është epiqendra e tregtisë së mallrave në vend, në të cilin aktualisht zbatohet kontratat e skanimit të konteinerëve.
Koncesioni i këtij terminali më parë është mbajtur nga kompania turke “Kurum”, e cila e humbi të drejtën e menaxhimit pasi Ministria e Infrastrukturës dhe Energjetikës e hodhi në gjyq për mosrespektim të kontratës dhe si pasojë mungesë investimesh.
Në janar të këtij viti, përmbaruesit realizuan kalimin e aseteve të këtij terminali në duart e Autoritetit Portual Durrës.
Përpunimi i konteinerëve është një biznes shumë fitimprurës.
Volumi i punës në këtë terminal është rritur nga viti në vit, sidomos pasi në lojë hynë edhe bizneset e Kosovës dhe Maqedonisë të cilët transportojnë mallra me konteinerë dhe porti i Durrësit konsiderohet nyje e shkëlqyer tranziti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
