Mbetje të papërcaktuara ende janë konstatuar pasditen e sotme në afërsi të rrënojave të Titanikut. Lajmin e bëri të ditur Roja Bregdetare Amerikane. “Një fushë mbeturinash u zbulua në zonën e kërkimit nga një ROV pranë Titanikut”, tha Roja Bregdetare e SHBA. Ekspertët e Komandës së Unifikuar po vlerësojnë informacionin”, thuhet në një postim në Twitter nga Roja Bregdetare e SHBA. Akronimi "ROV" ka kuptimin mjet i drejtuar nga distanca. Kërkimet e pandërprera për nëndetësen “Titan” ishin të pasuksesshme dhe oksigjeni brenda saj ka mbaruar. Kjo shuan shpresat për gjetjen gjallë të pesë anëtarëve të ekuipazhit të nëndetëses që u zhduk të dielën e kaluar pas zhytjes drejt rrënojave të Titanikut. Ndërkohë, me kërkesë amerikane, qeveria britanike ka dërguar në vendngjarje një nëndetëse dhe një avion transporti me materiale specifike. Operacionet e kërkimit janë intensifikuar dhe vazhdojnë me një numër gjithnjë në rritje të anijeve, robotësh patrullues nënujorë dhe avionë që mbërrijnë në zonën e kërkimit, një zonë me madhësinë e Siçilisë, 600 kilometra larg ishullit kanadez të Newfoundland. Titani kishte një furnizim prej 96 orësh ose katër ditësh me oksigjen kur u zhyt rreth orës 6 me orën lokale të dielën në mëngjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
