Edhe përgjatë kësaj të diele ka vijuar operacioni masiv antikanabis në të gjithë territorin e vendit, nga ajri, toka e deti. Është kryer rikontroll në sera, magazina, ish depo e tunele, banesa të braktisura, tokë private e tokë shtetërore, në sipërfaqe pyjore dhe kullota, si dhe u ushtruan kontrolle edhe në të gjithë vijën bregdetare, në basene e ujëmbledhës. Operacioni drejtohet dhe monitorohet nga Drejtori i Përgjithshëm i Policisë së Shtetit, Haki Çako.
Ai inspektoi grupet e kontrollit në grykëderdhjen e Shkumbinit, si dhe në Malësinë e Krujës. I shoqëruar nga Drejtori për Departamentin e Sigurisë Altin Qato, Drejtori për Krimet Josif Shtëmbari si dhe nga Drejtori i Drejtorisë Vendore të Policisë Tiranë Ardi Veliu, kryepolici ka takuar disa grupe kontrolli të përbërë nga punonjësit e policisë së Komisariateve të Policisë Rrogozhinë e Kavajë, ku u tregoi për vëmendjen e Ramës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
