Kinë, ekzekutohet çifti që hodhi nga dritarja dy fëmijë

Kina ka ekzekutuar një çift i cili hodhi dy fëmijë nga dritarja e pallatit, duke u shkaktuar vdekjen.

Babai i fëmijëve, Zhang Bo dhe Ye Chengchen u shpallën fajtorë për vrasjen e vajzës dy vjeçare dhe djalit një vjeçar në vitin 2020.

Zhang kishte filluar një lidhje me Ye dhe më vonë u divorcua nga gruaja e tij dhe filloi të komplotonte për të vrarë fëmijët e tij.

Gjykata e Lartë e Kinës i kishte quajtur motivin e krimit jashtëzakonisht dashakeqe, duke nënvizuar “metodat e tyre mizore”.

Çifti u ekzekutua në qytetin jugperëndimor të Chongqing të mërkurën, edhe pse nuk është e qartë se si u krye ekzekutimi, por kryesisht dënimet me vdekje në Kinë kryhen me injeksion vdekjeprurës ose një skuadër pushkatimi.

Zhang kishte filluar një marrëdhënie me Ye pa e informuar atë për statusin e tij martesor ose prindëror.

Pasi Zhang u divorcua nga gruaja e tij në shkurt 2020, Ye ende i shihte dy fëmijët si pengesë që ajo të martohej me Zhang dhe barrë për jetën e tyre të ardhshme së bashku.

Ajo e kërcënoi në mënyrë të përsëritur Zhang që të kryente vrasjet, të cilat ata komplotuan t’i organizonin si një rënie aksidentale, deklaroi gjykata. Më 2 nëntor 2020, Zhang hodhi fëmijët e tij nga dritarja e banesës së tij nga kati i 15-të.

Chen Meilin, nëna e dy fëmijëve, tha të enjten në mbrëmje se një makth që torturoi familjen tonë për më shumë se tre vjet është zhdukur përfundimisht.