Soreca takon kryeprokurorin Çela: Hetimet për pastrimin e parave, me rëndësi

Ambasadori i Bashkimit Europian Luigi Soreca është takuar sot me Prokurorin e Përgjithshëm Olsian Çela.

Lajmin e ka bërë me dije vetë Soreca i cili përmes një postimi në rrjetet sociale ka përcjell mbresat e takimit ku shkruan se është i rëndësishëm përqendrimi në hetimet financiare mbi pastrimin e parave dhe rritja e vëmendjes për evazionin fiskal.

Në fund Soreca ka përgëzuar Prokurorin e Përgjithshëm për punën e bërë deri tani, si dhe i ka konfirmuar mbështetjen e vazhdueshme të BE, si në nivelin teknik ashtu edhe në atë financiar.

I gëzuar që u takova me Prokurorin e Përgjithshëm Olsian Çela për të diskutuar punën e vazhdueshme dhe sfidat që na presin në funksion të fazës së re të reformës së drejtësisë. Pavarësia dhe profesionalizmi i prokurorëve janë thelbësore për të luftuar krimin në të gjitha nivelet. Është i rëndësishëm përqendrimi në hetimet financiare mbi pastrimin e parave dhe rritja e vëmendjes për evazionin fiskal. Rezultatet e para për konfiskimin përfundimtar të pasurive të paligjshme duhet të konsolidohen. Përgëzova Prokurorin e Përgjithshëm për punën e bërë deri më tani dhe konfirmova mbështetjen e vazhdueshme të BE, si në nivelin teknik ashtu edhe në atë financiar, për punën e Zyrës së tij”, shkruan ambasadori Soreca.