Gazetarja Alba Kepi tha përmes një lidhjeje të drejtpërdrejtë me studion e lajmeve të MCN Tv se Federica Mogherini-t dhe Stefano Sannino-s i është hequr imuniteti dhe po i jepet mundësia prokurorisë për t’i shkuar deri në fund kësaj ngjarje.
Kepi tha se lajmi për arrestimin e Mogherini-t i ka shokuar mediat dhe agjencitë italiane se kemi të bëjmë me abuzim brenda institucioneve europiane.
Lajmi i sotëm ka shokuar mediat italiane, agjencitë e informacione, se kemi të bëjmë me abuzim brenda institucioneve.
Prokuroria i ka tërhequr imunitetin e diplomatit evropian, qoftë Federica Mogherini-t, qoftë Stefano Sannino-s. Po i heton pa imunitet, që i jep mundësinë ligjore për t’i hetuar dhe për t’i shkuar deri në fund.
Në itali ka pasur reagime nga ata që e kritikojnë shpesh BE-në. Kemi reagim të Moskës, Hungarisë, janë reagime që i shtohen edhe pozicioneve gjeopolitike, dhe qasjes që BE ka bërë në konflikte të caktuara ndërkombëtare. Vëmendja e gazetarëve është dhe në këtë fokus.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
