Ish-gjyqtari Gjin Gjoni është zgjedhur kryetar i Partisë Demokratike të Rithemelimit në Lezhë, raporton korrespondenti i MCN TV.
Ai fitoi garën me diference votash, përballë dy rivaleve të tjerë Paulin Marku dhe Albert Rrusti.
Në zgjedhjet e zhvilluara të shtunën, Gjoni mori 604 vota, Albert Rrusti 113 vota dhe Paulin Marku 131 vota. Pas zgjedhjet si kryetar i Rithemelimit të Partisë Demokratike në Lezhë, Gjin Gjoni tha se menjëherë do të nisë puna për riorganizimin e këtij grupimi politik për tu bërë gati për zgjedhjet e vitit 2025.
Deputetja e Partisë Demokratike Lindita Metaliaj tha se nga kjo garë demokratet do të dalin më të bashkuar, për të qenë gati për betejën e radhës elektorale.
Në zgjedhjet për kreun e Partisë Demokratike të Rithemelimit në Lezhë morën pjesë në votime mbi 1 mijë anëtarë të këtij grupimi politik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
