Prokurorët në Moldavi raportuan ditën e sotme ndalimin e Marina Tauber, nënkryetare e partisë opozitare të vendit Sor, pas dyshimeve për mashtrim lidhur me financimin e partisë së saj.
“Tauber u arrestua në aeroportin e Kishinauit teksa po përpiqej të merrte një fluturim për në Izrael”, tha zyra e prokurorisë kundër korrupsionit në një deklaratë në faqen e saj të internetit.
Në deklaratë thuhet se Tauber ka injoruar më herët ndalimin për t’u larguar nga vendbanimi i saj.
Në korrik 2022, liderja e opozitës u akuzua për dy çështje penale në lidhje me falsifikimin e raporteve financiare të partisë së saj dhe marrjen e fondeve nga një grup i krimit të organizuar. Deputetja tha se ishte e gatshme të bashkëpunonte me hetuesit për të rivendosur drejtësinë.
Ajo beson se Partia në pushtet e Veprimit dhe Solidaritetit mund të qëndroj mbas vendimit të prokurorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
